近期有好多朋友仔問我駁髮嘅問題，係呢度同大家打篇小文章分享下啦！
我去嘅地方係旺角百合駁髮店，唔係salon 呢ga , 係由一個叫Tina嘅老闆娘開嘅。雖然嗰日我冇見過老闆娘，但係佢嘅大名我就聽得多啦！
話說我駁髮之前都做咗好多功課，上網睇吓d人分享，見好多人都話尼間好。由於怕佢哋都係打手，所以都問咗好多朋友仔。然後發現原來大部份嘅朋友仔都係去呢間，而且個個都話經濟實惠，仲覺得幾靚添，最緊要係好快手~~ 呢一點相當吸引我，因為我真係唔想係個度，坐幾個鐘，整頭等待既時間真係好無聊。
既然大家都講到咁好，就去試吓啦！早一日我就即刻好趕急咁打去約聽日既3點，可惜到咗第二日有工作，結果搞到六點鐘先去到旺角。咁我就打上去問佢可唔可以而家上嚟，佢嘅態度當然係話: 都冇辦法架喇，你咪上嚟囉，你要等一陣喎。(利申: 地點在旺角唔好幻想有五星級的服務) 去到之後呢，發現原來仲有三個客人，期間同事就話: 你應該要等半個鐘喎! 我心諗: 比你昆左上尼添...
等左大約15分鐘，"呃我"嘅姨姨有啲唔好意思，就開始過嚟幫我整了。由於得一個人整，我總共用咗三個鐘頭先完成。但係其實佢哋都好落力幫我！始終係我遲到在先，所以其實佢哋嘅服務已經係好好架啦！不過朋友仔就話，佢上次駁髮嗰陣冇客人，四個人一齊幫佢整，用咗一個鐘都唔使就整完啦，所以各位如果想快嘅記得準時啦~
嗰度嘅頭髮係公價＄300一束，特別嘅頭髮顏色就要＄400一束，有分直髮，微曲同大曲嘅。我嘅頭髮比較厚，而且天生直髮，所以我就簡直髮，感覺自然啲，一個頭就用左5束。大部份嘅朋友仔都係四至五束嘅，而且駁髮前佢會幫你剪薄小小個頭髮，等到個頭融洽d，唔會睇得出有兩層。當然由於姨姨唔係專業髮型師，所以唔好諗住佢會整得好靚。只係盡力幫你令到件事好睇啲。當然我剪完都覺得唔核突嘅！姨姨既taste比你想像的好。
我嘅頭髮有染過黑色，後來又染過啡色，所以髮色唔均勻嘅。姨姨就特別幫我用咗黑色同啡色兩溝。本來驚會好古怪，結果出嚟同我自己頭髮真係一模一樣好神奇。
今日已經係駁髮嘅第五六日，暫時都未有一束嘅頭髮甩過嘅，所以我覺得都相當唔錯。而且都冇好痛嘅情況出現，但係各位始終係駁髮來的，所以瞓覺或者洗頭都會有啲頂住同少少唔舒服嘅，但係就唔係話好難頂。而且頭髮電曲左會比較自然，直嘅時候就會明顯DD，因為我駁得比較長，髮尾又比較稀疏，所以可能直就會比較古怪了。但整體上都很好既，有興趣既朋友仔就可以考慮下啦～我就鼓勵大家同朋友仔去既，無咁悶之餘重可以睇住佢後面駁成點～至於你問最長keep到幾耐？我答唔到你，因為工作關係我相信好快就要拆ga la~
Search